ما ودي أتكلم عن اللي صار هاليومين ولا ودي أناقشه
الموضوع مايحتاج للكلام ولا يحتاج للشرح
لكن ياجماعة شنو سر الاضرابات اللي تصير بهالتاريخ
2008/07/30 أحداث جليب الشيوخ
المهم شوفوا القصة اللي صارت معاي واللي تؤكد حجم المشكلة
الستلايت عندي بالبيت أخترب وأحتجت لفني يشوف الخلل
قمت ودورت بالجرايد الاعلانية الموجودة بكثرة هاليومين
المهم في اعلانات مكتوب عليها كالتالي
فني ستلايت هندي
ورقمه........
دقيت على واحد منهم واتفقت معاه على موعد الوصول
وبعد ما شرف وأهوا قاعد يشتغل
وقفت فوق راسه وسألته عن اسم الشركة التابع لها
وطلع الأخ يشتغل بروحه و إقامته اقامة سايق واللي وياه طباخ
غـــــير بدل ... ماكو
انزين اشعرفكم بهالشغلة
ردوا علي وبكل بســـــاطة
احنا كنا نشتغل بمحل وبعدها اتفقنا مع كويتي يحول اقاماتنا عليه
تحت مسمى سايق والثاني طباخ
وندفعله 500 دينار كل سنة
اللي صار معاي شي عادي ويتكرر مع وايد ناس
ويجب أن نعترف أن هناك دنائة واستغلال للبشر
وقبل لا انطالب بتدخل حكومي
علينا بتنظيم حملة لتنظيف سمعتنا
اما عن الوزارة النايمة بكل شي من رياضة ، جمعيات ، اقامات
فالطعن في الميت حرام
الأخوة في السعودية عندهم هيئة تعنى بالعمل والعمال ومسؤولية موظفيينها التفتيش الدائم
واللي يصيدونه يشتغل بغير المسمى الموجود في بطاقته
قول على كفيله وعليه بعد السلام
طيب ليش ماننشأ هاليئة
لحقناهم بسالفة العيش والأراضي مانلحقهم بالباجي
------------------
أشكر العزيز جدا فريج سعود
و أقوله اذا خذوني لجنة الظواهر
ترى باخذك معاي
وانت كيفك تحمل
18 comments:
ماذا تتوقع من حكومه ترشي اعضاء المجلس عبر منحهم 3000 اقامه ؟
ماذا تتوقع من مجلس يضم بين اعضاءة تجار اقامات ؟
الكبير يريد ان يكبر
والصغير ايضا يريد ان يكبر
واسرع طريقه هي الاقامات
500 * 1000 = نص مليون
http://bp0.blogger.com/_1givzg9tfts/SI4cjOnwCZI/AAAAAAAAAVU/_4mHXK_ZH24/s1600-h/untitled.bmp
نعم سئ جدا
بوحامد
ربح يغري اصحاب القلوب الضعيفة
أبوبندر
جدا جدا
لو يسوون الهيئة هذي عندنا
بيمشون واحد من الجماعة
ورفيج واحد من الجماعة
و بعض الناس ما يقدرون يكلمونهم مثل كل المخالفات اللي دايرة بالبلد
يعطيك العافية
كويتي الشكوى الله و الله المستعان يقولون بيسوون هيئة هالنمونة و الله كريم ؟
عن اذنك كويتي بس حابه ارد على بوحامد
بوحامد
وماذا عن رئيس المجلس ما شرى اصوات الاعضاء الي امربط اغلبهم مثل الخرفان ؟
الحكومة اختراها الرئيس ، و الاعضاء احنا أخترناهم ، و كما تكونون يولا عليكم ؟؟
30 الشهر
يوم الاضرا.... العالمي
اليوم عامل متوفي و ربعه يا يين يشحنون جثته بالطيارة المبلغ 340 دينار
المهم ربعه كلهم من الطبقه الكادحة و عمال و قاطين قطيه علشان يشحنون جثته لأهله
نفس القصة تأمين ما في ليش لأن الاخ لا يعمل بنفس شركته
و انما الكفيل الكفيل
حبيت اقول ان الغلط هم مشترك
بين الاثنين
و الله المستعان لدينا نوعية عماله على كيفك و لدينا نظام على كيفك
لكن بالاخير ترى مال الحرام و الله ما يفيد و البركة فيه تضيع
احنا الحلال و ندزه دز
هالمره حرام
مو اول مره يسوون مظاهره
الناس هذي ماتيوز ؟
لاحول ولاقوة إلا بالله
إذا سووا الهيئة بتصير كلها خشمك خشمك ماسوينا شي :)
موظفين الشؤون الحين عندهم الضبطية القضائية ويتبعون الوكيل
والهدف من الهيئة الابتعاد عن بيروقراطية الشئون
تجار الاقامات ناس قلوبهم جاسية حسبي الله عليهم اصلا كافي عليهم سواد الويه انهم ياخذون 500 دينار من هالفقارة اللي معاشاتهم بسنة كاملة يمكن اقل من هالمبلغ حتى
اتمنى يصير عندنا مثل هذي الهيئة
ويعطيك العافية اخوي
طمع بني ادم !!!
ناس ضمائرها نايمة..للأسف
الكفيل طماع و العامل يبي الربح أيضا
للاسف خربانة من الصوبين والدنيا نايمة بعد ...
ودمتم بخير وسلام
Q8-MaNaL :
الله يعافيج انشالله
-------
والموت يعشق فجأه مثلي..والموت مثلي لايحب الإنتظار :
نعم ولكن الكفيل هو دائما الطماع ويطالع رزق غيره
السؤال هل سيحاسب تجار الاقامات المعروفين للكل ؟؟؟؟
لاحول ولا قوة الا بالله
اذا الكبار اللي ودنا يعدلون هالمشكله نصهم اساسها
ياخوي
اهم زاهبين ياخذون من السعوديه هيئه الامر بالمعروف
بس هيئه تعني بشئون العمال وتطيح بشوتهم من جتوفهم وع مايبونها
Eng_Q8 : Sn3a :
اذا وزير الشئون ناطر الضوء الاخضر من الديوان الاميري واعلنها صراحة اخو الوزير
فأنتوا شنو متوقعين
واحد من مليون :)
السلام عليكم
شنو تتوقع من دولة بدون رقابة على الشركات ؟
لكن اللي اقوله حق اصحاب الشركات اللي ماتخاف ربها هو قول رسولنا الكريم صلى الله عليه وآله وصحبه اجمعين : اعطوا الاجير اجره قبل ان يجف عرقه . شكلهم ما اسمعوا عن هالحديث وا يتناسون ان فيه رب يشوف كل شيء
حسبي الله ونعم الوكيل
Blog 3amty & someone_q8 :
الله يجازيهم
Post a Comment