ضحكت وايد بالندوات الاخيرة لجاسم الخرافي ، مرة يقول انه انجز الكمبيوتر والشاشة الالية بمجلس الامة ، ومرة يشطح بمجلس التعاون ، ومرة يطب بناصر المحمد ، ومرة يمدحه ، توهتنا و توهت الشارع معاك يا بوعبدالمحسن
تبي الصج يازينك وانت تفتر بالدواوين وتوجب الناس ، اعلنها صراحة استانس لما اشوفك مار الديوانية واتضايق لما اشوفك تطب بخصومك بالطالعة والنازلة
لكن والأهم من هذا يا بوعبدالمحسن شسالفة مجلس التعاون وانه ماحقق الطموحات ، عسى ماشر من اللي جاب الطاري ؟؟؟
انزين شنو قصة لطفي عبيد رئيس وزراء مصر والناس شافوه واهوا يصفق مستانس على كلامك
وشعرفه في بلاوينا ؟ لايكون هذي من آثار العولمة ؟؟؟
بالنهاية وعلى الرغم من وجهة نظرنا فيك كشخصية سياسية الا اننا نقولها وبالفم المليان بأنك بعيد كل البعد عن عمليات شراء الأصوات بدائرتنا الثانية و الفلوس التي تندفع منك وفي أيام سابقة كانت مساعدات شخصية وهذي مو بس انا اقولها كل من يعرفك يقول هالشي
لكن في السياسة أرجوك أرجوك أرجوك لاتسوي ندوات
وأخيرا : عجبتني فصختك للعقال يمكن لانك رايخ صليبخات
وعمرنا ماشفناها لا بالشامية أو شويخ
---------
أما موضوعنا الثاني
راح يكون غير
بما اني راح اكون بوقت الانتخابات مشغول باللجان طبعا مو مع أي مرشح انما تابع لجهة
عملي ( لاتخافون مو الداخلية ) ؟
ف أوصيكم أوصيكم بأصواتـــكم ياجماعة
البلد محتاج كل صوت شريف وأختاروا الاصلح الله يرحم والديكم
مانبي النطيحة والمتردية
اعتقد اللي شفناه من القنوات الفضائية كافي لان نحكم على المرشحين
وعسى ربي يحمي ديرتنا العزيزة الكــــويت
ونساهم بتطورها
قولوا آمين
وأخيرا أشكر العزيز
q8yahoo
على هذا الفيديو المميز
1 comment:
ناجح مهما يقال عنه
راح ينجح
وشكراااا
Post a Comment