مامليــــــــتوا

يضحك الكثير من مجموعة الوطــــــــــــن مما يتردد ان هناك تدخل و تحرش بالشيخ ناصر المحمد ومايقولون هالايام سوى مزايدات انتخابية وهاهو الآن يثبت لنا ولهم ابنئهم الشيخ أحمد العبدالله في حديثه الخاص لقناة الكـــــــــوت مدى معاناة سمو رئيس مجلس الوزراء طبعا ليس من النواب لان أمرهم مقدور عليه ولكن من أبناء عمومته

ودي أعرف ما مـــلوا من اللي قاعد يسوونه فينا وفي الكـــويت ؟

شيبون أكثر من حبنا ومبياعتنا الدايمة لهم ؟

ما نبي مال ولا جاه ؟ مانبي اسقاط القروض ؟

نبي دولة القانون والمواساة

نبي دستور المؤسسين ومو دستورهم

نبي تنمية شاملة وتنويع مصادر الدخل

نبي محاسبة المخطئين والمتجاوزين على القانون مهما كان اسمه

نبي ونبي ونبي بس منو اللي يحقق اللي نبيه

بالطالعة والنازلة تلعنون الساعة اللي وقعتوا فيها على الدستور .... بالأمس فادكم وفادنا الدستور بأزمة الحكم... وضركم وضرنا يوم عطلتوه وصار الغزو

الحين انسوا تعطيله والتحرش فيه لانكم بتملون مثل ما مـــــل غيركم وحلوا خلافاتكم وركزوا على بلدكم يرحم والديكم