يتم اختيار شخصية ما لقيادة مكان ما
وخصوصا إذا كان متوصى عليه من فوق
فيتم تعيينه مقابل أن يميز مجموعة عن مجموعة أخرى
هذا إذا كان اختيار الأشخاص حسب الواسطة وليس الكفاءة
بالكويت تميزنا شوي على دول العالم وإختيارنا
للقيادات يتم حسب المزاج و حسب المصلحة
يعني يمكن اليوم أحبك وأحطك
وثاني يوم يمكن العكس وأطفشك بعد
لنأخذ منصب مدير سوق الأوراق المالية مثلا
لقربه الشديد من مجموعة الشيخ ناصر صباح الأحمد
وبعد تعيينه شنو اللي حصل للسوق
بدأت الكوارث تهل عليهم وسيارات الإسعاف
زادت روحاتهم للفقارى وأصحاب القلوب الضعيفة
وأصدر قرارات كارثية منها رفض جميع طلبات إدراج الشركات
و تحييد أسهم مجموعة الخرافي وغيرها من المجموعات
وذلك لقيامهم بمخالفات برأها القضاء
وعلى أثر تلك الخطوات البوليسية
حدث هبوط قوي في أسعار الأسهم القيادية وغيرها
ولجئت الشركات إلى القضاء وهو ملاذها الأخير
منها مجموعة الخرافي التي تنتظر الآن حكم التعويض
بملايين الدنانير وستدفع من خزينة الدولة
ومنها أيضا مجموعة دار الاستثمار وتمثلها خباري و منازل
اللي تم رفض إدراجهم لأنهم شركات ورقية
مع العلم بأن العمي لو يروح مناطق الكويت
سيرى لوحات تلك الشركات وبيشوف أنشطتهم العملاقة
ولكن الواحد مايعمل شي العمام بدهم كل شي
سبب كتابتي للمقال ليس لأني مع فلان أو ضد فلان
ولكن عندما رأيت لجنة السوق قد وافقت على إدراج
الخطوط الوطنية الكويتية والمملوكة للشيخ حمد صباح الأحمد
أحتريت وبغيت أنبط على هالازدواجية بالتعامل
ملاحظة أخيرة
اللي يدل موقع شركة الطيران المزعومة له كرتون برحي
17 comments:
إذا صج انت مو مع فلان ضد فلان،،
عيل ودي اقط قطه،،
اي والله ونعم في العم صلاح الفلاح
خير الرجالات في الكويت و اكفاءهم
!!!!
اووووووووووه اشفيك عصبت!!
لوول
الحين بعلق من صجي :)
اي والله صدقت الاختيار مو على الكفاءه ، العمام إذا بدهم شي سووه
ومع العلم عندنا بالكويت الكثير من الكفاءات الاقتصاديه لدرجه صار عندنا اكتفاء
الله يعطي الواحد على قد نيته!!
بس بالكويت، العمام يعطون الواحد على قد نيتهم
الحمدلله على كل حال
عندي سؤال
في مكان متطبق فيه القانون؟
ما افهم بالبورصة
ورحم الله إمرء عرف قدر نفسه
تفضل حبيبي
http://www.wataniyaairways.com/
لا تنسانا بالبرحي حق رمضان
مصالح في مصالح
اعتقد لو انه مو من طرف مجموعة الشيخ ناصر الاحمد الصباح
جان ما وصل لها المواصيل
تحياتي
للعلم فقط حمد الصباح باع حصتة في الشركة المذكورة ؟
لا تحتر :)
ومن متى البرحي ينحط بكرتون ؟
حط نفسك مكانه تقدر ترفض ادراج شركته ؟
اذا قدرت لك نخلة كاملة
لو سعمران جان جاوبتك
ما أدله حسافه
;pp
دوار الجوازات :
لاتقط مرة ثانية
:)
secret :
ايه
عصير الضاحية
Bavaud :
حبيبي أنته
يعني صايدني من قالك أبي سايتهم
أبي موقع الشركة بأي منطقة
kuwaitawy :
أفا عليك بس ماتم تعيينه الا من أجل عين وأسأل طال عمرك
بس :
متأكدة؟
فريج سعود :
يعني لازم أقول فلين أبيض
:)
وثاني شي صج أنك بخيل تبيني أرفضله طلب وتعطيني بس نخلة
kila ma6goog :
ماتضرب الا على القوي
why me :
لاتحاتين أييبلج بدون لاتجاوبين
:)
امممم اسمع
و شوف التدرج مال الوطنية و قياديها
طلع الزبن من الكويتية
راح الوطنية
طلع كم واحد بعد من الادارة السابقة و راحوا الوطنية
السكرتارية
هم بعد كذلك
المكتب موجود في مواقف المطار
ماكو شغل
ملل
اوكي راحوا حق شركاتهم الثانية
اللي اهي شغاله
طبعا الوطنية مو شغاله
و لا لها اي طيارة
الشركة الثانية بس حق النخبة
حمد ليش باع حصته
راجع قانون تخصيص مؤسسة الخطوط الكويتية
واللي يقول باحد بنوده
ان ما تدخل اي شركة طيران معلنه في الاكتتاب او شراء الاسهم
Enter-Q8 :
أعتقد القانون الجديد لتخصيص الكويتية فصل لعدم دخول حمد أو غيره
ممكن اوضح شي
الوطنيه للطيران شركه مساهمه عامه يعني ممكن تندرج بعد سنتين من التآسيس ولايجوز رفض ادراجها مثل بنك بوبيان و القرين للبتروكيماويات
بس التشكيك زايد هاليومين
momo :
الوطنية نعم انها شركة مساهمة ولكن كم نسبة الناس ومن هو المالك الأكبر فيها الناس أم حمد ، ماهي أنشتطها ؟ هل هي مطابقة لشروط الادراج ؟؟
في شركات للاسف تم ظلمها وهناك الكثير من المساهمين ضاعوا بين حانة ومانة
انا قلت انها مساهمه عامه وليست مساهمه فقط اي بمرسوم اميري
وحمد الصباح مكتتب عن طريق كامكو ،وهي شركه مساهمه و من كبار الملاك ايضا فواد الغانم و الوزان
اذا حمد الصباح يملك نسبه صغيره يمكن ماتتعدي ١٠ في المايه
momo :
حمد ولا غير حمد
شلون تدرج شركة مالها أرباح
لعلمك سبب ادراج بعض الشركات هو عدم وجود أرباح
ولما راحوا للقضاء تبين عكس ذلك
هذا سوق مو لعب و نفوذ
ليلحين مافهمتني
انا قاعد اقولك انها عاااااامه . مساهمه عااااامه وفي قانون يسمح لها بعد سنتين من التاسيس انها تدرج في ارباح او مافي
وبعدين مولازم ارباح في شركات ماتحصل ارباح الا بعد سنين من العمل منها شركات الطيران والاتصالات وغيره من القطاعات الكبيره
!!
وانت موضوعك بالاساس ليش ادرجت هذي الشركه وكآنك تلمح بآن له علاقه بملاكها
momo :
لاوالله لا ألمح ولا شي
سواء كانت له الشركة أو لغيره
ماهمتني
الي همني كله تطبيق القانون على الكل
لجنة السوق رفضت شركات لاسباب واهية
والحين تدفع الثمن من المال العام
مو قهر
Post a Comment