بغض النظر عن الجرايم التي حصلت أو التي ستحصل
من البدون الا اننا كشعب قاعدين نتفرج على حكومة لاتهتم بأمنها الوطني
منذ قرار مجلس الوزراء في التسعينات واللي ينص على المنع في كل شي
للبدون من علاج ، تعليم ، عمل ... وهم في حالة جحيم وكره للدوله
نعم وانا أتفق معاكم
البدون مو نبته وطلعت
البدون منهم اللي دقات أيده خضر ، ومنهم من كلامه المكسر
ومنهم ومنهم
وأصلهم وفصلهم معروف ولانقدر نوزع جناسينا لكل من هب ودب
لـــكن هناك حق للانسانية وللبشر ومن حقهم العلاج
ومن حقهم التعليم ومن حقهم العمل
لاتعطونهم الجناسي ولا تعطونهم الخدمات ولكن عطوهم حق الاقامة
وحصلوا منهم ضرايب على كل خدمة قدمتوها وكل خدمة يبونها
أفتحوا لهم الوظائف بالقطاع الخاص وعالجوا التركيبة السكانية
شنو المشكلة
الامارات عالجت موضوع بدونها بالاقامة الدائمة
وعطتهم جميع الحقوق مع فرض ضريبة سنوية عليهم
ومنهم من قعد وأستحمل ومنهم من نـــحش
زيدوا دخل الدولة بضرايبهم و خففوا الجرايم
وعاملوا البدون بأنسانية ,,,قبل لاتنقلب علينا السالفة
سؤال أخير لحكومتنا العجيبة : تدرون كم قضية حفظت ؟
هل تدرون ان البدون مايبصمون؟
يعني بالعربي أعمل جريمتك ولا من شاف ولا من دري
لانك نبته وأطلعت بصحراء أسمها الكـــويت
--------
الاخوان بالبحرين ذكروني بأيام الكلية وأزمة المصافط
اضغط على الصورة للتكبير
22 comments:
تسلم ايدك على البوست الانساني جدا
و اتمنى على يوم نشوف اللي انته كتبته بالبوست على ارض الواقع لأن البدون بشر و اقل حق لهم علينا اهوا حق الانسانية مثل ما انته ذكرت
و يعطيك الف عافية
والله ياخوووك
الحكووومة ما اعتقد تقدر تسوي شي للفئة المظلوومه هذي
انا معاك ان في ناس كلامهم مكسر وبايدينهم دقات خضر
وما يستحقون الجنسية
كلامك عدل وعين العقل
على الاقل نعطيهم حق الاقامه
احسن ما نخليهم مشردين بالكويت
لكن صدقني ان في ناس تستاهل الجنسية وان اكو ناس حالتهم حاله يقطعون القلب والله
اشكرك عالبوست وتحياتي العميقه
الموظفه هذي فلم ههههههههههه
وليش ما يرحم نفسه
و يطلع جنسيته
لأن اهني العيش الرغيد
Q8-MaNaL :
الله يسلمج
-----
kuwaitawy :
الموضوع مو موضوع يستاهلون ولا مايستاهلون .. الموضوع حقوقهم
Enter-Q8 :
وين العيش الرغيد روح شوف عيالهم عند الاشارات
اهني عند الاشارة
لكن بالعراق عند شنو بالله عليك
المشكله اللي قاعدين يتزوجون منهم و قاعد يفرخ بالخمس عيال
ماقلنا شي
بس حرام أجيال قاعده تطلع ومهنتها السرقة والجهل
ابيك تسأل وشوف هل للبدون بصمة بالادلة الجنائية وراح تعرف ان احنا عايشين على قنبلة موقوتة
عمي القنبلة انفجرت
المشكله ان زوير و عوير قام يطالب
تكفى شوف تطاولهم
دش منتداياتهم
شوف سكوب يقول يالبدون سووا نفس البنغال
يا اخوان ادري الموضوع حساس و لا يعم على الكل
بس سؤال واحد
بلد حكومتها قاعد تقول انها تظلمك و تبهدل حياتك
ليش حاد عمرك عليهم الا اذا في شي يستاهل
او اذا ما عندك كرامة
على فكرة انا اعرف بدون
وقلت له اشلون ليش ما تروح العراق بدال ما انت قاعد تتحلطم و انت عندك خير
قال ما اعرف
انا عيشت اهني و ما ااعرف اعيش هناك
يعني كأنه يقول تكفلوا فيني مالي شغل
كلامك عين الصواب
شنو المانع لو يصير حالهم مثل حال المقيمين على كفاله او إقامه وبالتالي يعتبرون موجودين من تعداد السكان
بس جذي قاطينهم قط لامن سأل ولا من درا وبعدين تشهرون فيهم بالجرايد وجنه مالكم شغل
والله رايك صح وماينزاد عليه
تسلم ايدك على هالكلام يخليني اصدق ان الناس فيها خير لما ألحين
جزاك الله خير اخي العزيز
البدون وما ادراك ما البدون
في الستينات مع بداية صرف الجنسية
رفض البعض الجنسية بالتجنس على اعتبار احقيتهم بالتاسيس
هنا بدأت المشكلة
الحكومة تعرف انهم كويتيون ، وهم يرفضون اخذ الجنسية
تركتهم وتعاملت معهم على انهم كويتيون
عددهم كان لايجاوز 5000
كانت هذه النقطة التي استغلها من وفد بعد ذلك من مختلف الجنسيات وقاموا باخفاء جوازاتهم والادعاء انهم بدون
وذلك عندما وجدوا ان الوضع القائم للبدون افضل من محدد الجنسية
لا اقامة ولا كفيل ولاهم يحزنون
تسهيلات كثيرة لهم كما لو كانوا كويتين
وايضا الحكومة شاركت في استفحال الامر عندما غضت البصر عنهم ، لا بل وساهمت في زيادة المشكلة
بان بدأت في استقطابهم للعمل في الجيش والشرطة
هكذا بدأت .. والى هنا وصلت
المشكلة تتمثل اننا حاليا نتعامل مع الجيل الرابع
هل نطبق مبدأ ... ولا تزر وازرة وزر اخرى
لا شك انه مهما كانت الاسباب
يجب عدم اغفال الجانب الانساني
واذا اردوا عدم هضم حق احد
فالـ 5000 معروفين بالاسم
الان دخلت الخواطر والمحسوبيات والسياسة في التجنيس
الى هنا وكفى
والله المستعان
MO3ATH :
الله يسلمك أخوي
--------
ابو لطيف:
كلامك طيب ولكن على قولتك 5 آلاف معروفين وياريت الحكومة ترد لجنة الجنسية وتحط الكويتيين المعروفين
أبرك وايد من ربعهم
صح لسانك
الشق عود اللى يستاهل عطوة جنسية واللى عندة مشاكل قضبوة الباب وخلاص انهيت المشكلة
عورت قلبي
ألي يستحق عطوه و بطلوا نذلون الاوادم و لي ماله حق الباب يوسع جمل ؟؟
بس الاستخفاف و ذل الاوادم ؟
لا عقود زواج لا شهادات ميلاد لا شغل ؟؟
من وين يعيش الله يرحمنا برحمتة
هلا متفائل
شوف أن مع تجنيس الي عندهم أحصاء 65
وكذلك مع تجنيس الدكاتره الناس الي ترفع من مستوى الدولة مو اتردها قري ؟؟
تصدق الله يعينهم و يرحم حالهم
لا شهادة ميلاد ؟
لا عقود زواج ؟
لا علاج ؟
وفي الاخر
يرحمكم من في السماء
هل من مجيب ؟؟
كش ملك :
أي باب ومنو اللي راح يستقبله ؟
------
الواثق :
السالفة مو سالفة جنسية
-----
بس :
حياك الله أخوي
مرة قريت تقرير للأمم المتحدة تضمن التقرير عيشتهم وقوانينهم. تفاجئت من أحد القوانين الموجودة إن إذا كويتية ماخذها بدون، الولد يطلع بدون وما ياخذ الجنسية الكويتية إلا لما الزوج (البدون) يطلق مرته الكويتية عشان الياهل ياخذ الجنسية ولازم فترة معينة .. بالله هذا قانون؟؟
البدون منهم المظلومين ومنهم اللي مثل ما قال إخونا ابو لطيف ماخذين الوضع بربسة لتساهل الحكومة معهم
-mate :
أمم متحدة ليش تروح بعيد آنا اللي جدامك رايح عشا واحد أعرفه ماخذ الجنسية ويوم ماسألت درين انه خذاها على أمه عقب ماتطلقت من أبوه والمصيبة ان ابوه قاعد يستقبل الناس للتهاني
بوست واقعي جدا
تدري في احكام القصاص في الشريعة الاسلامية .. لا تقطع يد السارق اذا كان فقيراً لا يجد قوت يومه
فما بالك اذا كان لايجد حتى داوء مرضه
هذا سيفتح باب كبير لغير محددي الجنسية لارتكاب الجرائم من باب الضرورة
والدولة هي السبب
الحارث :
مو الدولة السبب
الحكومة فقط هي السبب
Post a Comment