ياشيخ خلك من الاستجواب والكلام اللي لايودي ولايجيب والمصالح المتناثره هني وهناك . في اخطاء وبالهبل في وزاره الداخليه وواضحه للناس ؟ احنا مانبي استجواب ولانبي مساءلة ولا طرح ثقه ؟ اللي يهمني اصلاح الوزارة الاقامات زادت ، الشوارع زحمه ، التكاسي ومن الضباط زادت ، الفساد بالسجن المركزي ، المخدرات زادت ، الشوارع والمناطق فاضيه ولافي شرطي واحد ، المخافر مافيها الا شرطي ويطالع القناه الثالثه ؟
شتبي اكثر من جذي ... ياشيخ مانبي راسك حشى ؟ بس كلنا ثقه فيك ونحس فيك الخصله الطيبه من ابناء عمومتك ؟
النواب معاك والمجلس بكبره مع الاعضاء المحترمين معاك والشعب المخلص لديرته معاك ؟
بس تكفه بلش واحنا معاك ؟ لاتخلينا نترحم على ايام احمد الحمود و لا ايام محمد الخالد
خلنا نذكرك بالخير
ليش العساكر موجودين بمراكز الخدمه أو في المكاتب المدنية بالوزارة ؟ نزلهم الشارع خلنا نشوف الامن
نبي ننام ببيوتنا واحنا حاسين بالامن ؟
عط اللي يستاهل من الجنسية والباجي اقامه وخلهم يشتغلون ويبعدوننا عن الاجرام والسرقات
طبقوا القانون بالجليب وخيطان وحولي ؟
ليش صرنا الاقليه في هالمناطق ؟؟؟؟
شنو اللي ينقصك عندك القوات الخاصه وغيرها بس اللي يحتاج التطبيق
أمنيه وياليت تتحقق وانشالله بهمتك لا بهمه غيرك
No comments:
Post a Comment