كشف النقاب عن قانون جديد لتخفيض الضرائب من 35% إلى 12%
وزير المالية القطري: اعتمادنا على إيرادات النفط والغاز في 2020 سيكون صفرا

التصريح اعلاه كان لوزير الماليه القطريه وتناقلته وسائل الاعلام المختلفه ومنها جريده القبس عدد يوم الثلاثلاء الماضي واترك التعليق لكم ولاعضاء حكومتنا الرشيده ، شوفوا الناس وين وصلت واحنا وين وصلنا ؟ قطر تخطط ليه 2020 واحنا الى شهر 9 ماكو حتى برنامج ويقولون ليش الكويت مكانك راوح ، لاطرق نفس الاوادم ولامستشفيات ولامدن ولاغيره .. فالحين بالمجمعات وجم محل حتى ملاعب كرة نفس الاوادم ماكو ؟ اذا بيطورون وخر عنهم بيسوون نفس يوم البحار شالوا منه جم لعبه وقالوا شرايكم الحين فيه ؟؟؟ الناس تفكر في جدام واحنا يهمنا شقال فلان عنا وهذا جم فلس عنده ؟؟ وطالعين طلعه لنا هاليومين محد موقف التنمية غير مجلسكم الامه ؟؟؟؟ ياسلام على المنطق ؟؟؟؟ الله يرحم حكومه جابر الاحمد في السبعينات وكان وقتها مجلس الامه من اقوى المجالس شفنا الكويت درة الخليج وبنت المستشفيات والطرق وبنت جامعه الكويت اللي ليحين ماعندنا غيرها ؟مانبي تحلطم اكثر من جذي اللي نبيه قرار قرار قرار

الله يرحم والديكم وفكونا بس