في احدى حلقات تو الليل والتي تم استضافة فيها عضو غرفة التجارة والصناعة ( نسيت اسمه ) مع رئيس اتحاد الجمعيات آنذاك محمد عامر وكانت الحلقة تتحدث عن ارتفاع أسعار السلع أعجبني جدا كلام الاخ اللطيف عضوغرفة التجارة الذي برر بأرتفاع سعر العيش -الأرز - بأن الهنود قاموا ياكلونه وفي السابق كانوا يصدرونه الى الخارج وتناسى الأخ ان البرنامج يشاهده الكويتيين يعني مو مدمغيين عشان يقص علينا
المهم
مابي أطول عليكم برحلتي القصيرة الى البحرين وكان عندي شعل فيها مريت على جيانت وهو شبيه بكارفور اللي عندنا ولاحظت سعر عصير اناناس كي دي دي وكان سعره 125 فلس بحريني يعني تقريبا ب 98 فلس كويتي وللاسف قارنت سعره اللي عندنا بالجمعيات وشفت انه سعره بالكويت 150 أما البقالات ف 200 فلس مع العلم بأن المنتج كويتي ويتم تصديره من ديرتنا الى الخارج
ف بودي اسأل اللأخ الكريم صاحب مقولة - الهنود قاموا ياكلون عيش - شرايه بهالسالفة ؟؟
اتوقع رآيه ان الكويتيين قاموا ياكلون قواطي العصير
____________________________________
بعد القهر اللي شفته قلت مايوخر هالصداع الا شيشة محترمة
No comments:
Post a Comment